2006年01月10日
(0)測一下在別人眼中的自己，怎知準確性呢？我又不是別人．阿印，你認為準嗎？
2006年01月09日
剛翻看寄件匣，找到前年於北京公幹時的數封家書：
Wed, 5 Nov 2003
凍呀……，朝早同夜晚都好涷! 但室內都好焗，長期都好乾，飲幾多水都唔夠……。
我擒日都好忙，走黎走去，黃昏同d南京同事setup個場，佢地都唔知係咪路，一舊雞咁，叫都唔做，放d leaflet 去桌底都唔自動自覺，咪我做咯；撕起d地毯膠又係我。我唔係阿四喎，佢地成日行行企企，有d仲o係個場至搞d電腦…… 呢d應o係公司一早完成，一插電咪得咯！原來佢地知個會場9時關所以唔駛咁趕喎……白痴架，我至唔同佢地痴，搞好我d野就自行回酒店自己食飯。
今日我應下午去一去會場，咁跟住都唔知做咩 
Thu, 6 Nov 2003
個個都話今日會落雪，但一直都係落緊雨所以今日仲凍，今晚仲會係零度以下……，一呼一吸淨係見前面一大堆氣，我夠衫著架啦。
擒晚同南、北京同事去打邊爐，跟住一大班人行街如王府井大街咁，好熱鬧。老細仲見南京同事著唔夠衫黎，帶人買羽祴，人人有份，但我唔要！費事拎。
我唔係度你要醒定d，唔好亂黎呀你！今晚仲可以打保齡你都唔係好忙姐~~我呢度都有保齡打，仲好多地方都有，不過無人倍我打！
其實擒日已經無野做，好悶~~~~，老細仲叫我唔駛返公司，中意咪返黎check email 咪得喎，叫我四處玩！ 今朝我又唔知醒，訓到10點，無得食酒店d早餐buffet！
今日等埋南京同事守完展會，一齊會去琉璃廠玩。
我只會日頭上網，夜晚無機會，除非幫襯酒店o個d1蚊1分鐘咯~
仲有，我發覺ruby篤我背脊，佢駛唔駛咁呀!! 咁你話佢好唔好寫信同佢解釋呀?
Thu, 6 Nov 2003
我寫左信比ruby啦，因我找唔到佢私人信箱，咪用im問佢應寄去邊好，佢答我send去公司喎！唉……我諗佢睇完封信都係唔明我，以為都係手段之一！係咪女人一嬲起黎係無彎轉？
而家落緊雪咯~，其實好似雨咁，不過大粒d，慢d……。
我好掛住地布同阿嬌……仲有你。
Fri, 7Nov 2003
Maybe too cold here, my fingers get smaller …, I lost my marriage ring, and no idea when it happen!! I am so unhappy now and couldn’t slept well last night, always dreamed finding the ring in different dreams : could found / couldn’t found…..GOD!!!
Will you forgive me!?
Fri, 7Nov 2003
天氣好凍，凍到手指腳指好似隨時”啪”一聲斷開，d風吹埋黎好似有過百隻蟻o係面上爬 ─ 發痳！勁爆拆，愛斯基摩人咁！原來擒晚係北京第一場雪，係超大雪！ 一晚後，成條街、車、樹……舖滿晒雪。d 路好難行，擒晚我仲o係雪地攤底，濕晒！仲凍……
係喎一題係擒晚冒雪去左凱悅酒店內間sushi wine bar，好高格調，有live全女band，咪講笑! 奏中國樂器唱時代曲包括莫文蔚”他不愛我”或英文歌，好正！仲係要只有sushi食，無其他野，好鬼grand。呢餐係Alex請我地三個(fatcat、anthony、我)
今日溶雪凍得仲利害！寸步難行，聽講今晚零下4度！我今日上午返公司check完email後就自己一個人出去搵節目 (唔駛擔心，公司比左部手機我聯絡用，去遠d都唔怕，嘻嘻……)
我無目的咁撘地鐡，再轉的士，問司機去邊食餃子最好，佢車我去間叫”八珍”既地方。的確人山人海，我食左10隻，好好味！埋單都係$5.2咋！ 跟住搭的士問邊間保齡球館最好，佢車我去間叫”工体100″地方 ─ 顧名思義有一百條球道，係全世界最多球道的球館! 每局30蚊(叫好高消費) 我一條冷打了一局，有71分！其實可以高d，但唔專心，因知館內有鞋賣，嘻..嘻…..係！我奸茅買左先，仲係紫色喎~~~，想買埋波，但唔靚！ 打完去埋樓下隔離一間靚cafe嘆下午茶，飲左杯好好飲o既咖啡同埋食左件桃+芒果蛋糕，都好好味！但最後o個啖要牛飲，因比fatcat急call去琉璃廠……。你估我o係o個度買左乜比你?
明天攞正牌去玩，應會去長城，我諗我要著兩對襪褲5件衫，唔係上到去變雪條!
你點呀？ 唔好捱襯！你要飲多d水呀三餐食齊呀，唔好訓廳喎~
為替一不熟的同學Katy到BobbiBrown買掃, 之前還特意把名片加印了職銜, 好讓可以得到八折; 買到後, 致電通知這位同學,交待過後, 她無端主動跟我說什麼一會兒要到Twins演唱會工作噢~~, 那我當然客氣地恭賀她替她開心得到這機會, 誰知她收不了口說了一大堆, 更”鼓勵”我應多回校增加”曝光”率, 好讓容易被學校挑選, 又說下月會有克勤演唱會, 但她最後又加句”不過好像已滿額了”…., 我當下只能回她一句 — 神經病!!….但在收線後!
2005年11月21日
今晚經過廟街 : 秋天的涼意,昏黃的燈泡,炭爐透出的乾澀味,蠔餅的香味…,勾出一幅幅當初跟他拍拖的回憶. 今晚同樣地跟他手拖手的穿過街道,不同的是不像以往蹓蹥街上消磨時間,而是買菜趕回家去.
我很喜歡看廟街的人:叫嚷的小販、眼睛綠幽幽的癮君子、好奇又小心的遊客,最令我想看又不敢看的是圍在色情片攤子選購的人. 有一回我行經這些攤子時,見到一個身穿白恤衫長相斯文的人沉聲問檔主 : 有無人獸?
這聲雖沉,但卻在我腦內隆隆地迴響著. 我瞠目結舌頭也不回急步走開. 太詭異了,看這些片子的不都是猥瑣,像狼似的人嗎? 白衫人怎也看不出一點獸性來…
今晚,色情片攤子繼續熱鬧,我見到一個手拿著包裝上有數個裸女交叠的人,再看清”物主”,噢…..是個身型健碩相貎堂堂的精壯男子!! 怎麼….搞的?! 我思想不算保守,知道”咸蟲”不一定看”咸片”,看”咸片”不一定被列入”咸蟲”之列,但原來….,從外觀上是看不出”咸蟲”的分別!!
2005年11月20日
媽媽很喜歡看”鬼片”,只是驚慄片或恐怖片是不夠,一定要有鬼才稱她心,故今天特意帶她看戲. 晚飯後在商場內行了一會兒,我提議再看多套鬼片,她當然開心應允. 經過書報攤,我特意指了本”雛鳳特刋”,問她可知道有這本東西,原來她是知的,但認為不便宜便不打算買.及後襯她往洗手間時,我光速地回頭買. 她收到時很開心,孩子氣的嘴裡猛說不便宜不便宜,手裡不停翻,因紙質偏厚,她還以為兩頁黏成一頁,猛地想捽開它,又不時手指指圖片很有紀念性….
看電影,帶她吃晚飯,買東西給她…,這些我平時很少做的,自問不算孝順,我甚至算是冷落父母的壞女兒,但他們從沒向我投訴(至少在我面前或從他人口裡沒聽過),因認為我工作忙,不想打擾我. 我的確怕人打擾,小時少不免因父母嘮叨跟她頂撞. 或許人大了,近年意會到除了工作愛情外,親情也是需重視的.我不打算要孩子,要跟我血脈相連的只有我父母兄弟,如無意外爸媽應比我早行一步,我心裡總想為他們做點東西,至少想讓他倆知我非工作狂,我是愛他們.
因工作關係,總會有機會跟模特兒合作..小朋友、女人、男人、行橋的、硬照的、全職、兼職…., 前兩天有十多男女上來公司作casting. 老實說,他們的皮囊真的令人贊嘆:腰是腰,腿是腿,無一點多餘的脂肪,皮膚吹彈可破,每個外殼都精緻非常,各有特色…總之都像是從外星來的,沒得挑剔.
正常人如我,都有性幻想,但對著他/她們,我一點兒想歪的企圖也沒有,不是不敢(因在工作中? 不…), 是不能. 我只覺得他們是冷冰冰.., 對! 他們像是個會行會走會有反應的”公仔”,或是不折不扣的”衣架子”…., 我無意褻瀆他們,相反地佩服他們花了很多時精神去苦心經營身材外觀(確實很辛苦的..), 但我對我的想法都摸不著頭腦.